Кемел қала. Қалдықты қайта өңдеу

Қазақстан қалаларында қалдықты қайта өңдеу саласы серпінді дамып келеді. Қазірдің өзінде Астанада қоқысты өткізіп, ақша алуға болатын эко-пункттер жұмыс істеп тұр. Кез келген адам макулатура, полиэтилен, стрейч-пленка, ПЭТ бөтелке, шыны ыдыс пен тұрмыстық техника және алюминий құтысы сияқты шикізаттың 11 түрін тапсыра алады. Қайталама шикізаттың бір келісі 5-тен 100 теңгеге дейін бағаланады. Жыл соңында елордада мұндай қалдықтарды қабылдайтын тағы 10 орын ашылмақ.