Мәдениетке саяхат. Астанада «Шабыт» шығармашыл жастар фестивалінің үздіктерін іріктеу жұмысы жалғасуда
Қазақ Ұлттық Өнер университетінде «Шабыт» шығармашыл жастар фестивалінің үздіктерін іріктеу жұмысы жалғасып жатыр. Бұл жолы қазылар алқасының алдында додаға қатысушы камералық ансамбльдер өнер көрсетті. Нәтижесінде, 19 ұжымның 10 ғана ақтық мәреге жолдама алды. Міндетті бағдарламаға орыс және еуропалық композиторлардың шығармалары енген. Төрешілер штабында, Италия, Франция, Ресей және Оңтүстік Корея елдерінің белді музыканттары бар.