Ит үйрету: кинологтар неміс, бельгия овчаркаларын есірткі, бомба іздеуге үйретеді | Полиция KZ
Иісшіл иттерге инновацияның өзі бәсеке бола алмайды. Ғылым ілгерілеп, технология қарқынды дамығанымен, иттер сияқты бір мезетте мыңдаған иісті оп-оңай ажырата беретін құрылғы әлі жасалған жоқ. Ішкі істер органдарының кинологиялық орталықтарында қызметтік иттерге ерекше күтіммен қарайды. Уақытылы тамақ беріледі. Ветеринар дәрігерлер күнде таңертең тексереді. Жануарларға жоспарлы түрде қажетті вакциналар салынады. Ай сайын иттердің салмақтары өлшеніп, медициналық шаралар өткізіледі. Осылайша олардың жұмыс істеу қабілеттері толық бақыланады.