Қазақстандық боксшылар Азия чемпионатында өнер көрсетеді
Бүгінгі әңгімеміз бокс жайында болмақ. Нақтырақ айтқанда, дәл осы аптада Тайландтың Чанг Мей қаласында былғары қолғап шеберлері арасындағы Азия чемпионаты басталады. Байрақты бәсекеге 25 бірдей спортшымыз аттанды. Яғни, 13 салмақта ерлер, 12 салмақта қыздар бас жүлдеге таласады және жалпы командалық есепте бірінші орын аламыз деген мақсат- міндеттемелері де бар. Міне, осы ел намысын қорғайтын қазақстандық спортшылар дәл осы Астана қаласында соңғы жаттығу жиынын өткізген болатын.
Біз оның барысын көрдік. Эксклюзивті сұхбаттар жаздық. Енді сол жиған-терген ақпараттарды сіздермен бөліскіміз келеді.