Жемқорлардың жеңілетін, берілетін түрі жоқ

Кәсіпкерге кедергі келтіретін мемлекеттік мекемелер. Бірақ бизнестегі жүйелі проблемалардың мазмұнына қарап, шенеуніктердің шын позициясын түсіну қиын. Олардың қитұрқы әрекеті өзге түгілі өздерін шатастырады. Өйткені шенеуніктердің көңілі кейде көл, кейде шөл. Бірде аса қамқор, енді бірде қаһарлы. Мұндай құбылмалы мінез-құлықтың түр-түрін «Бизнеске жол» жобасынан көріп, танып жүрміз. Сыбайлас жемқорлыққа қарсы қызмет кәсіпкерлерден арыз-шағым қабылдап, араша түскелі талай оқиғаға куә болып отырмыз. Бүгін бірнеше мысал келтіреміз.