Қ.Тоқаев Сингапурдың аға министрі Тео Чи Хинді қабылдады
Астана берік сауда және инвестициялық байланыстарды нығайтуға негізделген серіктестіктің жаңа кезеңіне жол ашуға дайын.
Мемлекет басшысы Сингапурдың аға министрі әрі Ұлттық қауіпсіздік жөніндегі үйлестіруші министр Тео Чи Хинді қабылдап, осылай деді. Сондай-ақ Президент бүгін 46-шы Сингапур лекциясында сөз сөйледі. Бұл алаңда аймақтық қауіпсіздік, тұрақтылық және орнықты даму тақырыбын талқылау зор мәртебе екенін жеткізді. Тео Чи Хин Қасым-Жомарт Тоқаев дәрісінің өзектілігіне тоқталды. Кездесу соңында қазақ басшысы өзінің «Беласу» кітабының ағылшын тіліндегі нұсқасына қолтаңба берді. Тео Чи Хин бұл кітапты Қазақстанға жасаған сапарында сатып алып, зор ықыласпен оқып шыққан.