2600-ден астам студент Қазақстан халқына қорының оқу грантын иеленді

Биыл 2600-ден аса студент Қазақстан халқына қорының оқу грантын иеленді.

Қоғамдық қордың шәкіртақысы мүмкіндігі шектеулі және әлеуметтік жағдайы төмен отбасының балаларына берілуде. Олардың кейбірі оқуын аяқтап, маман иесі атанды.

Әсел Мұсаева церебральды сал ауруына бала кезде шалдыққан. Соған қарамастан өмірге құштар. 5 жылдан бері паралимпиядалық спорт түрімен айналысады. Ол арбадағы спорттық биден Азия біршіліктерінің бірнеше дүркін жүлдегері. Қоғамдық қор қаракөздің отбасылық жағдайы мен жетістіктерін ескеріп қайырымдылық грантын ұсынды.

Әсел Мұсаева, студент:

- Біздің үйде инвалид 2-3 адам болғандықтан кішкене маған оқу жағы өте қиынырақ болды. Ал осы грантты ұтып алған кезде ата-анамда қуанышты болды, мен де қуандым. Осындай грантта бізге оқуға мүмкіндік туғызған Қазақстан халқына қорына шын жүректен алғысымды білдіргім келеді. Әрі қарай жақсы оқып жақсы маман атанып ең үздік маман болуға тырысамын. 

Ал Ержан Рахымбайдың талма дертіне байланысты мүгедектігі бар. Ол да қоғамдық қордың арқасында тегін білім алды. Бүгінде өзі оқыған оқу ордасының қызметкері атанып отыр.

Ержан Рахымбай, психологиялық бейімдеу орталығының үйлестірушісі:

- Осы орталықта жұмыс жасағалы бері биылғы таңда біз 38 студентті өткіздік осы Қазақстан халқы қоры грантына. Өзімнің кішкентай ғана болса да үлесімді тигізу мақсатында мүмкіншілігі шектеулі студенттерге көмек қолы ретінде өзімнің септігімді тигізіп жатырмын.

Қоғамдық қор студенттердің оқу ақысын 2021 жылдан бері төлеп келеді. Бүгінде тегін білім мен шәкіртақы алушылар саны 3117-ге жетті. Олардың 160-қа жуығы Тараздық жастар.

Бауыржан Оразғалиев, "Қазақстан халқына" қорының орталық басшысы:

- Соңғы оқу жылы 2023-2024 оқу жылы бізде 89 ЖОО-да 824 грант тағайындалды. Яғни бұл бірінші курс абитуриенттер. Аз қамтылған отбасылар, мүгедектері бар отбасылар, көп балалы отбасылар. Яғни осындай 7 категория бар.

«Қазақстан халқына» қоры қайырымдылық бағытында «Самұрық-Қазына» қорымен бірігіп мүмкіндігі шектеулі балаларға арналған қамқорлық орталықтарын ашуда. Соңғы 3 жылда еліміз бойынша 30-дан аса ерте араласу, аутизм және оңалту мекемелері қолданысқа берді. Мәселен Тараздағы орталықта жылана мыңға жуық жеткіншек тегін ем қабылдауда.

Мерей Бает, Тимур Сейілхан, Елдар Байділдә