Олжас Бектенов Astana Hub стартап-жобаларымен танысты

Қазақстан Премьер-министрі Олжас Бектенов Astana Hub технопаркінің стартап-жобаларымен танысты.

Бүгінде халықаралық технопаркте жұмыс істеп жатқан 1400 IT-компания бар, олар өткен жылы 400 млрд теңге табыс тапқан. Мемлекеттік қолдау мен жеңілдетілген салық режимінің арқасында IT-компаниялар серпінді жобаларды іске асырып жатыр. Премьер-министрмен кездесу барысында бірқатар отандық әзірлеме таныстырылып, ғылыми жобаларды коммерцияландыру мәселелері талқыланды. Олжас Бектенов отандық IT экспортын $1 млрд доллар деңгейіне жеткізу үшін салаға мемлекеттік қолдау артатынын айтты.