Бірнеше өңірде жаңбыр аралас қар жауып, боран соғады

Қазгидромет 1-3 ақпанға арналған ауа райы болжамын жариялады.

Атмосфералық фронтальді бөліктердің өтуіне байланысты солтүстік, шығыс өңірлерде қар, еліміздің батыс өңірлерінде жаңбыр және көктайғақ құбылыстары бар қар жауады. Республика бойынша тұман, желдің күшеюі байқалады. Еліміздің шығысы мен орталығында түнгі және таңертеңгі сағаттарда аяз 15-28 градусқа дейін сақталады, ал Қазақстанның басым бөлігінде температуралық фонның елеулі өзгерістері күтілмейді.