Елордада IQala орталығының мекенжайы өзгерді

IQala қалалық орталығының фронт-офисі жаңа мекенжайға көшті, деп хабарлайды Elorda.info.

3 мамырдан бастап орталық операторлары Ә.Мәмбетов к-сі, 24 мекенжайындағы (Аффари БО) бірыңғай кеңсе арқылы коммуналдық қызметтерді көрсете бастайды. Көшу туралы шешім тұрғындардың өтініштеріне байланысты қабылданды.

Сондай-ақ, орталықтың жаңа порталы іске қосылды - ns.gov.kz. Онда 152 қызмет 9 коммуналдық қызметке біріктірілген. Порталда өтінімдер бұрынғы алгоритм бойынша беріледі. Авторизация үшін ЭЦҚ кілті қажет.

Айта кетейік, iQala қалалық қызметтер орталығының операторы елордалық цифрландыру және мемлекеттік қызметтер басқармасы болып саналады.

Орталық 09:00-ден 18:00-ге дейін жұмыс істейді.

Барлық сұрақтар бойынша iKomek-ке 109 нөмірі бойынша хабарласуға болады.