Астанада екінші ауысымдағы 0-7 сынып оқушылары қашықтан оқиды

Күн райының қолайсыздығына байланысты Астанада бірінші ауысымдағы бастауыш пен 7-сыныпқа дейінгі оқушыларға сабақ болмайды, деп хабарлайды 24kz.

Балалар қашықтан оқиды. Бүгін елдің басым бөлігінде қар түсіп, боран соғып тұр. Астанада желдің екпіні секундына 30 метрге дейін жетіп, рейстер кешігіп жатыр. Қарлы бұрқасын Қарағанды облысына да жетті. Қостанай, Солтүстік Қазақстан, Ақмола облыстарында да қар борап тұр.

«Шығыс Қазақстан облысында қатты жаңбыр жауып, көктайғақ болады», - дейді синоптиктер. Елдің батыс өңірлерінде де қолайсыз күн райы сақталады. Атырау, Маңғыстау облыстарында тұман түседі. Кей өңірлерде бұршақ жауады. Күшті жел мен қатты жаңбыр оңтүстік өңірлерге де жетеді. Таулы аймақтарда жаңбыр соңы қарға ұласады.