Астанада екінші ауысымның 1-9 сынып оқушылары қашықтан оқиды
Астанада қарлы боран соғып, жолдарда мұз қатады, деп хабарлайды 24kz.
«Қазгидромет» мәліметінше, жел екпіні секундына 30 метрге жетеді. Күн райының қолайсыздығына байланысты екінші ауысымның 9-сыныпқа дейінгі оқушылары қашықтан оқу форматына ауыстырылды. Сондай-ақ қазір елордадағы коммуналдық қызметтер күшейтілген режимде жұмыс істеп жатыр. Таңнан бері қала көшелерін қардан тазалауға 2 мыңнан астам жұмысшы мен 750-ге жуық арнайы техника шықты. Олар алдымен орталық көшелерді, жолаушылар көлігі маршруттарын және аялдамалар мен тротуарларды тазалалауда. Мамандар тұрғындарды жолда абай болуға, қауіпсіздік ережелерін сақтауға, сондай-ақ алыс сапарға шықпауға шақырады.