Үш облыста көлік қозғалысы шектелді
Ауа райының құбылуына байланысты үш облыстың тас жолында көлік қозғалысына шектеу қойылды.
Түркістан облысында "Алматы-Ташкент-Термез" бағытындағы жол учаскесі уақытша жабылды, деп хабарлады «Қазавтожол». Сонымен қатар Жамбыл облысында Айша бибі ауылынан Түркістан облысының шекарасына дейін ауыр жүк көліктерінің қозғалысына тыйым салынды. Алматы облысында республикалық маңызы бар жолдың Алма-Тау туристік базасына дейінгі учаскесі ауыр жүк көлігі мен автобустар үшін жабық.