«Таза Қазақстан» акциясы басталғалы алты жарым мыңға жуық экошара ұйымдастырылды

Елімізде «Таза Қазақстан» республикалық акциясы басталғалы 6 жарым мыңға жуық экошара ұйымдастырылды.

Тазалық жұмыстарына миллионнан астам адам атсалысты. Бұл туралы Мәдениет және ақпарат министрлігінің баспасөз қызметі хабарлады. Тұрғындар бес апта бойы өздері тұратын елді мекенде аулаларды күл-қоқыстан арылтып, абаттандыру жұмыстарын жүргізді. Науқан әлі де жалғасуда. Бесінші апталықта өзендер мен көлдердің айналасы тұрмыстық қалдықтардан тазартылып жатыр.