«Таза аудан»: Ақсуатта саябақтар мен көшелер қоқыстан тазартылды

Абай облысында «Таза аудан» экологиялық акциясы өтті, деп хабарлайды 24kz.

Бұл жолы Ақсуат ауданының мемлекеттік қызметшілері мен еріктілері көшелерді қоқыстан тазартты. Экологиялық акцияға тұрғындар сүбелі үлес қосты. Олар өз ауласындағы тұрмыстық қалдықтарды сыртқа шығарып, ағаш түптерін әктеді. Сонымен қатар белсенділер «Абай» және «Мәңгілік ел» саябақтарын қалпына келтіріп абаттандырды. Жалпы игі шараға 100-ден астам адам қатысты.

Елдар Сабырбеков, Ақсуат ауылының тұрғыны:

- Ауданымызды таза қылып ұстау – біздің міндетіміз. «Тазалық табалдырықтан басталады» демекші, біз жастар өз ауданымызды жарқыратып, жайнату үшін жазғы демалыс уақытымызды арнап, тазалау және абаттандыру жұмысына атсалысудамыз.