Шымкентте айналма жолдың бойы тазартылды

Шымкентте «Таза бейсенбі» экологиялық акциясы аясында А-2 айналма жолының бойы тазартылды, деп хабарлайды 24KZ.

Науқанға «AMANAT» партиясының бастамасымен «Жастар рухы» мен «Жасыл ел» еңбек жасағы, қоғам белсенділері мен спортшылар, жайдарманшылар үлес қосты. Барлығы 400-ге жуық адам жол жиегіне шашылған қалдықтарды жинады. Ағаштың қураған бұталарын қырқып, шөбін отады. Ұйымдастырушылар экологиялық науқан аясында қала аумағын толық қамтуды жоспарлап отыр.

Мұрат Жолдықожаев, «AMANAT» партиясы филиалының атқарушы хатшысы:

- Парктердің алдын, көшелерге, магистралдық жолдарға бөлініп-бөлініп, 5 ауданда 5 түрлі форматта өткізіп жатырмыз. Алдағы уақытта да осы қарқынмен жұмыс істейміз.

Марат Достаев, қала тұрғыны:

- Әзілге, жайдарманға қай жылы келдік, содан бері қаланың кез келген іс-шарасына, осындай тазалыққа болсын, басқасы болсын, барлығына қатысып жүрміз. Өйткені біз Шымкент қаласында тұрамыз. Қаламызды таза ұстау өзіміздің қолымызда.