Спортты дамытуға бөлінген қаржы жымқырылды

Елордада «Олимпиадалық ойын түрлері бойынша спортты дамыту дирекциясының» лауазымды тұлғаларына қатысты тергеу басталды.

Мекеме басшылығы 2020-2023 жылдар аралығында оқу-жаттығуларға бөлінген қаржы сомасын асыра көрсеткен. Заңсыз әрекеттен мемлекетке келтірілген шығын көлемі 70 млн теңгені құрайды.

Әлібек Әбділов, ҚР Қаржылық мониторинг агенттігінің ресми өкілі:

- Сонымен бірге мекеме басшысы оқу-жаттығу жиындарын қаржыландыру мәселесі бойынша оң шешім қабылдағаны үшін жаттықтырушыдан 4 млн теңге көлемінде пара алғаны анықталды. Мекеме бастығына қатысты қамауға алу түріндегі бұлтартпау шарасы санкцияланды. Қазір тергеу амалдары жүргізіліп жатыр.