Елімізде «Адал еңбек» телемарафоны өтеді

Бүгін елімізде Еңбек күні.

Мерекеге орай, "Хабар" Агенттігі "Адал еңбек" атты ауқымды телемарафонын ұсынады. Ол сағат 12:00-ден 16:00-ге дейін көрсетіледі. Хабар арнасында өтетін телеморофонда  ел аймақтарымен және шетелдермен тікелей эфирде байланыстар орнатылып, ұжымдар мен еңбек адамдары өздерінің кәсіби жетістіктері туралы айтады.

«Адал еңбек» телемарафонына шахтер, мұнайшы, аула сыпырушы, санитар, педагог, өнеркәсіптік альпинист, зергер, блогер, кәсіпкер және тағы басқа мамандық иелері қатысады. Ал Қазақстандық КИНЭС рекордтар кітабында "Мамандығына берілгендер" атты жаңа парақ пайда болады. Рекордшы әулет тікелей эфир барысында анықталады. "Адал еңбек" телемарафоны аясында ұрпақтар сабақтастығын үзбеген жандармен қызықты сұхбаттар жүргізіліп, сюжеттер көрсетіледі. Сондай-ақ әртістер мен музыкалық ансамбльдердің қойылымдары болады.