Ақжол Мейірбеков өмірден өтті

Әйгілі "Дос-Мұқасан" ансамблінің мүшесі Ақжол Мейірбеков өмірден өтті.

Әнші 1950 жылы 7 шілдеде Оңтүстік Қазақстан облысы Арыс қаласында дүниеге келген. 1978 жылы "Дос-Мұқасан" тобына қабылданып, 1985-1994 жылдары Алматы облыстық филармониясының "Арқас", "Сазген", "Адырна" ансамбльдерінде өнер көрсетті. Ақжол Мейірбеков 1994-1996 жылдары "Гүлдер" ансамблінің көркемдік жетекшісі әрі директоры болды. Ал 2001 жылы "Ақжол" ән-театрын құрған.