Маңғыстауда тұрмыстық зорлық-зомбылық өршіп барады

Маңғыстау облысы прокурорының төрағалығымен тұрмыстық зорлық-зомбылықтың алдын алу және кәмелетке толмағандардың құқығын қорғау мәселелері жөніндегі үйлестіру кеңесінің отырысы өтті.

Тұрмыстық зорлық-зомбылықтың, кәмелетке толмағандарға қатысты құқық бұзушылықтардың және жасөспірімдер қылмысының өсу факторлары талқыланды.

Облыс аумағында тұрмыстық зорлық-зомбылықтың өсуі 11 айдың қорытындысы бойынша 31%.

Облыс прокуроры Руфат Құттықовтың айтуынша, аймақта 1351 әйел тұрмыстық зорлық-зомбылықтан зардап шеккен, орташа есеппен полицияға жәбірленушілерден немесе куәгерлерден 300 өтініш түскен.

Облыс бойынша 2000 отбасылық тұрмыстық саладағы құқық бұзушылар есепте тұр, полиция олармен әрдайым профилактикалық іс-шаралар өткізеді.

Өкінішке орай, мұндай отбасыларда балалар да зардап шегеді, әкесінің үш баласын өлтіру фактісі жасырын емес.

12 бала өз-өзіне қол жұмсады, бұл мемлекеттік органдардың барлық жұмысын жоққа шығарады.

Балалар тарапынан жағымсыз белгілер анықталған кезде моральдық-психологиялық көмек көрсетіледі. Бұл жұмыс жалғасады. Біз қабылдаған шаралар азаматтарымыздың өмірін сақтап қалуға ықпал етеді деп үміттенеміз – дейді Руфат Құттықов.

Өз кезегінде Маңғыстау облысының әкімі Нұрлан Ноғаев қоғамда саналы және жауапты адамды қалыптастыру – мемлекетіміздің басты міндеттерінің бірі екенін атап өтті. Басты мақсат-жаңа құндылықтар мен көзқарастармен жаңа ұрпақты тәрбиелеу.

Бұл міндет бүкіл педагогикалық қоғамдастыққа жүктелген. Біз денсаулық сақтау құрылымдарымен ынтымақтастықты жандандырып, суицидолог-мамандар мен мамандандырылған психологтардың санын көбейтуіміз керек - деп атап өтті облыс әкімі Нұрлан Ноғаев.

Үйлестіру кеңесінің нәтижелері бойынша уәкілетті органдар жұмысының тиімділігін арттыруға бағытталған шаралар әзірленді және нақты тапсырмалар берілді.