Жазушы М. Симашконың туғанына 100 жыл

Бүгін Қазақстанның Халық жазушысы, көрнекті прозашы, драматург Морис Симашконың туғанына жүз жыл.

Симашко - 20 кітаптың авторы. Оның туындылары 40 тілде жарыққа шыққан. Жазған сценарийлері 10-ға жуық фильмге арқау болды. Ол еңбектері Батыста ең көп аударылған қазақстандық жазушы болды. Францияда оны «Шығысты ашқан Морис Симашко» деп атады. Ол - әлемдік деңгейдегі жазушы, Президенттің Бейбітшілік және рухани келісім сыйлығының лауреаты, сондай-ақ әдебиет бойынша Нобель сыйлығына халықаралық ПЕН-клубының номинанты. Морис Симашконың адам жанын терең түсінуге негізделген еңбектері оқырмандардың жүрегінен әрдайым орын табады.