Су тасқыны. Ұлттық ұлан алғы шепте

Табиғи апат орындарында бір жарым мыңнан астам Ұлттық ұлан жауынгері жүр.

Мысалы, Қостанай қаласының 66/97 әскери бөлімінен 140-қа жуық әскери қызметші мен 3 техника жұмылдырылды. Олар Қостанай және Тобыл қалаларының тұрғын алаптары жанында қаптарды толтырып, төсеуге көмектесіп жатыр.

Сарбаздар СҚО-дағы Прибрежное және Заречный кенттерінде су тасқынына қарсы іс-шараларды өткізуге атсалысуда.

Аймақтардағы жұмыс тиімділігін арттыру үшін құқық қорғау күштерінің 70-тен астам авиа және автомобиль техникасы тартылды. Нәтижесінде 1000-нан аса адам эвакуацияланды, 140 000 қап құм төселді.

Гуманитарлық көмекті жеткізуде де ұлттық ұландықтардың үлесі зор.