12 жол учаскесінде көлік қозғалысы шектелді

Ақмола, Солтүстік Қазақстан, Атырау, Қостанай, Шығыс Қазақстан облыстарындағы халықаралық және республикалық маңызы бар 8 жолды су басты.

Қазіргі уақытта 7 облыстың 12 учаскесінде көлік қозғалысы тежелді. Ауа райының күрт жылынуы мен қардың тез еруі салдарынан бас-аяғы 4970 метр жерге су жайылған. Қазіргі таңда республикалық жолдарды қалпына келтіруге 339 бірлік техника мен 723 адам жұмылдырылған.