ШҚО-да күшейтілген сейсмикалық жаттығу өтті

Шығыс Қазақстан облысында күшейтілген сейсмикалық жаттығу өтті, деп хабарлайды 24KZ.

Оқу-жаттығу кезінде тұрғындарды эвакуациялауға арналған техникалардың төтенше жағдайларға дайындығы пысықталды. Құтқарушылар пандустардың жағдайын да тексерді. Соңғы 10 жылда облыста 20-дан астам жер сілкінісі тіркелген. ТЖМ мәліметі бойынша еліміздің бірнеше өңірі сейсмикалық қауіпті аймақта тұр. Ал, бұл аумақта 7 миллионнан астам адам тұрады.

Амангелді Еңсегенов, қалалық ТЖБ бастығы:

- Бұл енді денсаулық сақтау мекемелерінде, білім беру және өнеркәсіп мекемелерінде өтуде. Сейсможаттығу дегеніміз – адамдардың осы жер сілкінісі кезінде өздерінің не істеу керектігін білуге арналған жаттығулар. Адамдарда жер сілкінісі кезінде 10-15 секундтай уақыттары болады.