Олимпиаданың ашылу салтанаты үлкен экраннан көрсетіледі. LIVE
Париж Олимпиадасының ашылу салтанаты Астананың бірнеше жерінде үлкен экраннан көрсетіледі.
Соның бірі ЭКСПО қалашығының маңы. Әріптесім Серік Селеубайұлы дәл қазір сонда жүр. Тікелей көрсетілімге дайындық қалай жүріп жатқанын сұрап білейік. Тікелей көрсетілім нешеде басталады? Басты спорттық доданы тамашалауға халық жиналып жатыр ма?
Серік Селеубайұлы, тілші:
- Қазір біз Астанадағы Мега силк уей сауда орталығындамыз. Санаулы минуттардан кейін мұнда 33-жазғы олимпиада ойындарының ашылу салтанатын үлкен экраннан тікелей көрсетеді. Ал оның алдында қазақстандық танымал жұлдыздар мен белгілі спортшылардың қатысуымен промо іс-шара болады. Қазірдің өзінде төртжылдықтың басты додасын тамашалауға жиналған көрермендердің қарасы қалың. Ересектермен қатар бүлдіршіндер де тарихи сәттің куәсі болуға келген. Мына кадрлардан олардың тікелей көрсетілімді тағатсыздана тосып отырғанын көруге болады. Жалпы сауда орталығындағы атмосфера керемет. Дәл қазір менің қасымда Туризм және спорт министрінің қоғаммен байланыс және БАҚ жөніндегі кеңесшісі Диас Ахметшәріп мырза тұр. Диас мырза, білуімше, Астанада осындай тікелей көрсетілім болатын бірнеше нүкте бар. Ол экрандар қай жерлерде орналасқан?
Диас Ахметшәріп ҚР Туризм және спорт министрінің Қоғаммен байланыс және БАҚ жөніндегі кеңесшісі
Қазақстанның басқа қалаларында да осындай көрсетілім бола ма? Бұл шаралардың мақсаты қандай? Ашылу салтанатынан бөлек басқа да маңызды сайыстар кезінде осылай ашық аспан астында немесе сауда орталықтарында тікелей трансляция ұйымдастырыла ма?
Естеріңізге сала кетейік, «Хабар» және «El arna» телеарналары Париж Олимпиадасының ашылу салтанатын сағат 22:30-дан бастап тікелей эфирде көрсетеді. Оны белгілі комментаторлар Жандос Айтбайұлы мен Асхат Жақаев жүргізеді. Ал тікелей эфир қонағы Олимпиада ойындарына дайындық жөніндегі штаб басшысы Елсияр Қанағатов. Сонымен қатар 11 тамызға дейін Париждегі 4 тілшіміз олимпиада ойындарынан жедел ақпарат тарататын болды.