Зайсан қаласында спорт алаңы ашылды

Шығыстағы шекаралық аймақ – Зайсан қаласында заманауи спорт алаңы ашылды, деп хабарлайды 24kz.

1,6 мың шаршы метр аумақта енді балалар волейбол, баскетбол, футбол ойнай алады. Түрлі жаттығулар жасайтын Workout алаңқайы да бар. Бір емес, бірнеше спорт саласын қамтитын мұндай кешен Зайсанда бұрын-соңды болмаған. Қор демеушілігімен салынған орталық ішіне жасанды көгал төселген. Қауіпсіздік талаптары да ескерілген. «Шекарадағы елді мекендерде салауатты өмір салтын дәріптеп, спортқа әуес ұрпақ тәрбиелеу үшін мұндай жобаның маңызы зор», - дейді Қазақстан футбол федерациясы президентінің кеңесшісі Ермұхамбет Мәулен.

Ермұхамбет Мәулен, Қазақстан футбол федерациясы президентінің кеңесшісі:

- Бұл өте тамаша және одан кейін осы жасыл алаңдарда жарыстар ұйымдастыру, бірнеше ауыл футболына арналған бізде Қазақстан футбол федерациясының жобасы бар, УЕФА-мен бірлескен жобалар бар. Соның барлығын одан ары қарай іске асыруымыз керек. Сондықтан бұл өте тамаша жоба деп есептеймін өз басым.