Астана көшелері қардан тазартылды
Астанадағы қар мен мұзды күреуге 2700-ге жуық жол жұмысшысы мен 1300-ден астам арнайы техника жұмылдырылды.
Олар алдымен қозғалысы қарқынды орталық көшелерді, жолаушылар көлігі маршруттарын және аялдамалар мен тротуарларды ақ ұлпадан тазартып жатыр. Ал жалпы қыс мезгілі басталғалы, шаһардан 39 мың рейс арқылы, 502 мың текше метр қар шығарылған. Қазгидромет мәліметінше, бүгін елордада қар аралас жаңбыр жаууы мүмкін. Сондықтан мамандар тұрғындарды жолда абай болуға шақырады. Ал кенеттен дауылды ескерту болса, онда алыс сапарға шықпауды ескертеді.