Қазақстанда қар құрсауынан 400-ден астам адам құтқарылды

Елімізде қар құрсауынан 400-ден астам адам құтқарылды, деп хабарлайды 24KZ.

Оның 12-сі – бала. Қазір Қазақстанның 11 өңірінде күн райының құбылуы мен көктайғаққа байланысты республикалық маңызы бар жолдардың 38 учаскесінде және облыстық маңызы бар 31 учаскеде көлік қозғалысына шектеу қойылды. Онда күштік құрылымдар мен еріктілер ыстық тамақ ұйымдастырып, жолда қалғандарды жылыту пункттеріне орналастырып жатыр. Сондай-ақ қазір еліміздің 18 аймағында жедел штабтар ашылып, жедел желі телефондары жұмыс істеп тұр.