Боливиядағы әскери нысанда жарылыс болды

Боливияның Виача қаласында орналасқан әскери орталық аумағында жарылыс болып 10 адам қаза тапты. Тағы 60-тан астам азамат жараланып, жақын маңдағы ондаған үй зақымданған.

Қорғаныс министрлігі төтенше жағдай пиротехникалық заттар сақталатын және қару қолдану бойынша жаттығулар өткізілетін жерде болғанын хабарлады. Оқиға орнына дереу құтқарушылар мен медицина қызметкерлері жетті. Оқыс жағдайға не себеп болғаны анықталып жатыр.