Бразилияда коронавирустан қайтыс болғандардың саны 400 мыңнан асты, деп хабарлайды «Хабар 24».
Соңғы бір айда дерттен 100 мың адам өлген. Осылайша, бұл ел АҚШ-тан кейін қауіпті кеселден ең көп адам көз жұмған мемлекетке айналды. Мамандардың айтуынша, бұған елде COVID-19-дың жаңа штамы себеп. Бірақ билік сәуір айынан бастап елде өлім-жітім азайғанынын мәлімдеп отыр. Індетпен күресте вакцинаға көп үміт артуда. Алайда қазірге дейін жұқпалы кеселге қарсы халықтың 6%-і ғана егілген. Айта кетейік, Бразилияда коронавирус таралғалы вирусты 15 миллионға жуық адам жұқтырған.