Израильде кейінгі екі аптада төртінші лаңкестік әрекет жасалды

Израильдің Хадера қаласында атыс болып, екі адам көз жұмды, деп хабарлайды «Хабар 24».

Тағы он тұрғын жарақат алған. Арнайы операция кезінде 2 қаскөйдің көзі жойылды. Полицейлер оқиғаны лаңкестік әрекет деп бағалап отыр. Шабуыл үшін жауапкершілікті «Ирак пен Левант лаңкестік тобы» өз мойнына алды.

Айта кеткен жөн, Хадерадағы бұл оқиға – Израильде кейінгі екі аптада жасалған осымен төртінші лаңкестік шабуыл.