Оңтүстік Кореяда балалар арасында вирус жұқтыру көрсеткіші жоғары

Елде балалар арасында коронавирус жұқтыру деректері көбейген, деп хабарлайды «Хабар 24».

Бұл туралы осы елдің ауруларды бақылау және алдын алу агенттігі хабарлады. Аталған мекеменің мәліметінше, 9 жасқа дейінгі әр 100 мың баланың 50 мыңынан қауіпті инфекция анықталған. Ал 10-19 жас аралығындағы жеткіншектер санаты бойынша бұл көрсеткіш 43 мың шамасында. Қазір ата-аналар қатты алаңдаушылық білдіріп отыр. Ақпан, наурыз айларында Оңтүстік Кореяда эпидахуал күрт нашарлап кеткен болатын.