Грузияда көше тамағының фестивалі басталды
Тбилисиде көше тамағының фестивалі ұйымдастырылды. Мұнда тағамды далада лезде дайындап береді, деп хабарлайды «Хабар 24».
Фестиваль аясында грузин ғана емес, сондай-ақ өзге халықтардың да асы ұсынылды. Биыл бұл іс-шара төртінші рет өтіп отыр. Жыл сайын қатысушылар саны артып келеді. Бір жағынан бұл жас аспаздар үшін тәжірибе жинақтайтын алаң. Ұйымдастырушылар фестиваль жаздың ортасына дейін жалғасатынын айтады.
Екатерина Миронова, турист:
– Өте керемет! Біз Минскіден келдік. Айнала тамаша, бәрі көңілді. Саябақ та жайнап, күн де құлпырып тұр.
Миша Натебашвили, бас аспаз:
– Мұндай іс-шаралар ауадай қажет. Әсіресе жұмысын жаңа бастаған аспаздар үшін аса пайдалы. Ал туристерге бір жерден көптеген грузин тағамдарының дәмін татуға мүмкіндік береді. Бұл жобаны жалғастыру қажет.