Қазақстан мен Тәжікстанның дипломатиялық қарым-қатынасына 30 жыл
Биыл қаңтарда Қазақстан мен Тәжікстан арасында дипломатиялық қарым-қатынастың орнағанына 30 жыл болды.
Осы уақыт ішінде тараптар саяси, әскери, сауда-экономикалық, ғылыми-техникалық және мәдени салада байланыс орната алады. 100-ден аса мемлекетаралық, үкіметаралық және ведомствоаралық келісімге қол қойылды. Қос мемлекет арасындағы экономикалық ынтымақтастықтың әлеуеті зор. Қазақстан Тәжікстанның әлемдегі негізігі сауда серіктестерінің үштігіне кіреді. Былтыр 11 ай ішінде арадағы тауар айналымы бір миллиард 300 млн долларға жуықтаған. Өткен жылы екі елдің азаматтарына жоғарғы оқу орындарында білім алуға 100 квота берілген. Мәдениет және өнер қайраткерлерінің қатысуымен өзара ортақ іс-шараларды өткізу дәстүрге айналған. Бұл ретте Душанбеде екі ел арасындағы дипломатиялық қарым-қатынастың 30 жылдығына орай Шәмші Қалдаяқов атындағы филармонияның концерті ұйымдастырылған. Бұл Қазақстанның Тәжікстандағы елшілігінің бастамасы. Оған Түркістан облысының әкімдігі қолдау көрсеткен.