Израильде үкіметке қарсы ереуілдер жиілеп барады

Тель-Авивтің орталық көшелерінде  мыңдаған адам наразылық акциясын ұйымдастырды.

Шара қатысушылары қазіргі премьер-министр Биньямин Нетаньяхудың сотқа қатысты жаңа реформаларына қарсылық білдірді. Өзгеріске сәйкес,  енді Жоғары сот өкілеттілігі шектеліп, үкімет сот қызметкерлерін іріктеуді өз құзыретіне алмақ. Сондай-ақ, халық: «демократия болуы үшін жаңа үкімет қажет» дейді.

Айта кетейік, Израильде 3 апта бойы, әр сенбі осындай ауқымды наразылық шаралары өтуде.