Иранда мектептерді газбен улаған күдіктілер ұсталды

Иранда қыз балаларға арналған мектептерді газбен улаған 5 күдікті ұсталды.

Бұл туралы осы елдің Ішкі істер министрінің орынбасары Маджид Мирахмади мәлімдеді. Бірақ қамауға алынғандардың кімдер екені белгісіз. Иранда былтыр қараша айынан бастап қыз балалар оқитын мектептерге газбен шабуылдар көбейген. Мәліметке қарағанда бірнеше айдың ішінде 50-ден аса білім ордасына қастандық әркет жасалып, 1 мыңға жуық оқушы қыз зардап шеккен.