Үндістанда ыстықтан ормандар өртене бастады

Үндістанның солтүстігі мен батыс бөлігінде ормандар өртеніп жатыр, деп хабарлайды «Хабар 24».

Оған өткен жұмадан басталған аптап ыстық себеп. Өрт Гоа қаласына жақын жердегі Мхадей ұлттық паркіне қауіп төндіріп тұр. Әзірге жапа шеккендер туралы ақпарат жоқ. Тілсіз жаумен күреске ондаған бригада тартылып, тікұшақ қолданылып жатыр.

Саяджи Савант, жергілікті тұрғын:

- Кеше түсте орман өртеніп жатқаны туралы хабарлап, өрт сөндірушілер кешке таман оны бақылауға алған еді. Түнде орман қайта өртеніп, ауыл тұрғындар өздері барып сөндірді. Бүгін таңертең сол маңда тағы өрт шығып, тікұшақтар қолданылып жатыр.