Түркияда президент сайлауы өтіп жатыр. LIVE

Түркияда президент сайлауы болып жатыр.

Дауыс беру учаскелері жергілікті уақыты бойынша сағат 08:00-де ашылды.

Меруерт Қанағат, меншікті тілші

- Түркияда екі сағат бұрын жалпыхалықтық сайлау басталды. Туыстас жұрт бүгін президент пен 600 орындық мандаттарын белгілейді. Саяси дода жергілікті уақытпен таңғы сағат 08.00- 17.00 арасында өтеді. Бүгін 191 мыңнан астам сайлау учаскесінде 60 миллион 697 мың 843 дауыс қолданады. Оның 4 миллион 904 мың 672-сі алғаш рет азаматтық борышын орындап отыр. Сондай-ақ, абақтыдағы дауыс беру құқығына ие саны 53 мың 172. Жалпы елде сотталғандардың саны 349 мың 893. Сайлаушылар Түркия Республикасының сәйкестендіру нөмірі бар ресми құжаттардың бірімен дауыс бере алады.

Сайлаушының қайда дауыс беретіні көрсетілген сайлаушы туралы шақырту билетін алып келуге міндетті емес. Сайлаушылар қай жерде және қай жәшікте дауыс беретінін Жоғарғы сайлау комиссиясының (ЖСК) сайтынан біле алады. Дауыс беру орнына бейнетіркегіштермен немесе ұялы телефондар, фотоаппараттар немесе кинокамералар сияқты байланыс құралдарымен кіруге тыйым салынады. Мұндай құрылғылар дауыс беру процесі аяқталғаннан кейін қайтару үшін жәшік комиссиясына қалдырылады. Сайлаушылар президент пен депутаттар үшін екі бөлек бюллетеньді бір конвертке салып, жәшікке салады.

Айта кетерлігі, президенттік бюллетеньдер бірінші саналады.

Тағы да айта кетерлігі, апаттық аймақтағы 14 провинцияда түрлі шаралар қабылданды. Өңірде бұрын сайлау жәшіктері орнатылған мектептерде сайлау жәшіктері орнатылады. Мектептер қираса немесе бүлінсе, дауыс контейнерлерді бақшаға немесе жақын аумаққа қою арқылы беріледі.

Естеріңізге сала кетейік, шетелдік сайлау тізімдеріне тіркелген 3 миллион 416 мың 98 сайлаушы үшін әлемнің 73 еліндегі және 156 жеріндегі шетелдік өкілдіктерде сайлау учаскелері құрылды. Шетелдік өкілдіктерде дауыс беру процесі 9 мамырда аяқталған. Дегенмен, тұрғылықты жерінде белгіленген мерзімде дауыс бере алмағандардың кеден қақпаларында дауыс беру рәсімдері сағат 17.00-ге дейін жалғасады.

Президенттікке үш үміткер – қазіргі мемлекет басшысы, Әділет және даму партиясы (АКП) жетекшісі Режеп Тайып Ердоған, «Халық альянсы» партияларының бірыңғай кандидаты Кемал Кылычдароғлу және АТА альянсынан (Аталар альянсы) үміткер Синан Оған бар. Бюллетеньде төрт кандидат бар. Дегенмен, 11 мамыр күні Мемлекет партиясының жетекшісі Мухаррем Инжи өз еркімен бас тартқан болатын. Бұдан бөлек, 28-ші мерзімді Парламентті анықтау үшін өтетін жалпы сайлауға Түркия бойынша 24 саяси партия мен 151 тәуелсіз депутаттыққа үміткер қатысады. Кейбір саяси партиялар сайлауға «Республика», «Ұлт», «Ата», «Еңбек және бостандық» және «Социалистік күш одағы» деген атаумен 5 түрлі одақпен бақ сынауда.

Айта кетерлігі, Сайлауға тыйым салу аясында сағат 06:00-ден 00:00-ге дейін алкогольдік өнімдер сатылмайды, қоғамдық орындарда алкогольдік сусындарды беруге және ішуге тыйым салынады. Дауыс беру кезеңінде ойын-сауық орындары жабық күйінде қалады және ойын-сауық орындары болып табылатын мейрамханаларда ғана тамақ ішуге рұқсат етіледі. Жалпы елде, жергілікті сарапшылар мен сауалнама орталықтарының болжамына сәйкес, 90%-ке жуық сайлаушы дауыс қолданбақ. Бұл қазірге дейінгі ең үлкен көрсеткіш болуы мүмкін".