Қытайда ақ түсті алып панда камераға түсіп қалды
Қытайдың ұлттық қорығы сирек кездесетін ақ түсті алып панданы көрсетті, деп хабарлайды «Хабар 24».
Оны Сычуань өңіріндегі Волонг табиғи саябағында инфрақызыл камерамен түсіріп алған. Алғаш рет ақ түсті панда 2019 жылы мамандардың көзіне түскен болатын. Қазір оның жасы 5-6-да. Сырттан қарағанда денсаулығы тәуір.
Алып панда жойылып кету қаупі төнген жануарлар қатарына кіреді. Бүгінде жабайы табиғат әлемінде олардың саны 1800-ден аспайды. Тағы 500-і хайуанаттар бағында өмір сүреді.