Газа секторында егін қурап жатыр

Газа секторындағы шаруалар биыл өнімсіз қалуы мүмкін.

Өйткені егіс алқаптары айлар бойы су көрмеген. Өңірде жауын-шашын мөлшері өте аз болғандықтан шаруа қожалықтарының егіні қурап барады. Ауыл шаруашылығы министрлігі өкілдерінің айтуынша, биыл бидай жиыны былтырмен салыстырғанда 4 мың тоннаға дейін төмендеп кеткен.

Итаф Кудеи, шаруа:

- Былтыр жауын-шашын көп болып, бидай мол шыққан еді. Ал биыл жағдай мүлдем басқа. Соның кесірінен жиын да аз. Бұрын осы жерден бір тонна бидай алушы едік, жауынның жоқтығынан қазір жиын 3 есе азайып кетті.