Испанияда 227 мигрант құтқарылды
Испания жағалау күзеті Канар аралдарына жақын жерден 200-ден астам мигрантты құтқарды, деп хабарлайды «Хабар 24».
Бірнеше қайыққа мінген босқындар арасында әйел мен бала көп. Олар Аргинегин портына жеткізілді.
Жергілікті биліктің мәлімдеуінше, соңғы апталарда Африкадан осы аралдарға қарай бет алған мигранттар саны артқан. Сарапшылар бұған теңізде қолайлы ауа райының қалыптасуы себеп деп отыр. Испанияның Канар аралдарына биыл 6 мыңға жуық мигрант келген.