АҚШ ұлттық қауіпсіздікті жасанды интеллектіге тапсырмақ

АҚШ-тың қорғаныс министрлігі "Лима" атты жедел топ құрады.

Жаңа топ генеративті жасанды интеллектіні зерттеп, әзірлеумен айналысады.

Ведомстводан хабарлағандай, "Лима" кең ауқымдағы тілдік модель арқылы саяси қарым-қатынас, қорғаныс пен әскери мүмкіндікті жақсартуы тиіс. Яғни, жаңа құрылым ел қауіпсіздігі жүйесін күшейту үшін жасанды интеллектке жүгінеді.

Жасанды интеллектіні ұлттық қауіпсіздік мақсатында пайдалану жоспары жайында сәуірде белгілі болған еді. Бұл шешім Чат Джи Пи Тиді  пайдаланушылардың қатары артқан тұста қабылданды.