Грузияны қымбатшылық жайлап барады

Бағаның өсуі туристерді де үнемшілдікке үйретті.

Өйткені шетелдік саяхатшылар баяғдай емес арзан тауарлар ғана сатып алатын болған.

Грузияда инфляциядан көп зардап шегіп отырған саланың бірі – туризм. Бағаның шарықтауынан турпакеттерге тапсырыс беруші шетелдіктер қарасы азайған. Сарапшылар мұны өткен жылғы ахуалмен түсіндіреді. Былтыр мейрамханалар мен қонақ үйлердегі қызмет 14%-ке қымбаттаған еді.

Саломе Гелашвили, халықаралық экономика мектебінің жетекші экономисі:

- Өткен жылмен салыстырғанда биыл бағалар біршама тұрақталды. Бірақ былтырғы деңгейден әлі түскен жоқ. Оның үстіне ауа райының қолайсыздығынан ауыл шаруашылығы жапа шегіп, өнім аз болды. Осының кесірінен қыркүйекте жеміс-жидектің бағасы өсті.

Русудан Джапаридзе, Грузия гидтері қауымдастығының мүшесі:

- Қызмет көрсету саласы халықаралық нарыққа тікелей тәуелді. Егер өнім қымбаттаса, азық-түлік, қонақ үй бәрі қымбаттайды. Әсіресе жанармай құнының артуы бірден әсер етеді.

Грузияда бензин құны 2021 жылдан бері қымбаттай бастады. Былтыр көктемде ол 12%-ке көтерілді. Биыл да құбылып тұр.

Ото Абесадзе, экономист:

- Еліміздің ұлттық валютасы жыл сайын құнсызданып барады. Соның салдарынан логистикалық шығындар артты. Қазір Грузия жанармайды экспорттаудың балама жолдарын іздестіріп жатыр. Егер шикізат өзге елден тасымалданатын болса, оның литрі 4 лариден асып кетуі мүмкін. Сәйкесінше тауарлар мен қызмет құны тағы 10%-ке өседі. 

Сарапшылардың сөзінше, Грузияда баспана мен оқу бағасы да тым жоғары. Соның кесірінен табысы төмен отбасылар қатты зардап шегіп жатыр, - дейді олар.

Авторлары: Юлия Тужилкина, Шалва Сурамелашвили.