Тицианның туындысы бәссаудаға қойылды

Лондонда атақты қылқалам шебері Тициан Вечеллионың «Мысырға барар жолдағы демалыс» атты картинасы бәссаудаға қойылды.

Бұл – туындының 150 жылда алғаш рет аукционға шығарылуы. Шара ұйымдастырушыларының айтуынша, 1512 жылы салынған туынды 31 миллион долларға бағаланып отыр. Тицианның осы шығармасына кезінде император Наполеон I мен австриялық герцогиня Мария Терезия иелік еткен. Кейін оны біреулер ұрлап, 7 жыл бойы табылмаған.