Аргентинада 2 пойыз соқтығысты
Аргентина астанасы Буэнос-Айрэсте жолаушылар пойызы локомотивпен соқтығысып, жүздеген адам жарақат алды.
90 адам емдеу мекемелеріне жеткізілді. 30 кісі ауыр халде. Оқиға орнында құтқару бригадасы жұмыс істеп жатыр. Ал Сан-Мартин бағытындағы пойыз қозғалысы тоқтатылды. Апатқа не себеп болғаны әзірге белгісіз. Мамандардың сөзінше, жолаушылар пойызы рельстен шығып кетіп, қарсы тараптағы теміржол көлігіне барып соқтығысқан. Тергеу жүріп жатыр.