Димаштың концерті өтеді. LIVE

Бүгін қазақтың атын әлемге танытқан талантты әнші, отандасымыз Димаш 30 жасқа толды.

Бірегей дарын иесі Ыстамбұлда мерейтойлық концерт бермек. Аты әлемге әйгілі жерлесіміз бұл жолы да қалың жұртшылықты қалай таңқалдырады? Концертті көру бақыты бұйырған көрермендердің көңіл-күйі қалай?

Меруерт Қанағат, меншікті тілші:

- Бүгін біртума талант иесі әйгілі отандасымыз Димашы 30-ға толды. Әрбір қазақтың мақтанышы туған күнін Ыстамбұлдың қақ ортасында орналасқан белгілі Бешикташ стадионында атап өтпекші. Тап осы жерде екі сағаттан кейін 40 мыңнан астам көрермен қазақтың біртуар ұлының  талантын тамашалайды. Ұйымдастырушылар бұл жолы жұртшылықты таңқалдырамыз деп уәде беріп отыр. Бешикташ стадионында өнер көрсету, нақтырақ айтқанда жеке концертін беру екінің бірінің қолынан келе бермейтінін айта кету керек. Мұнда әйгілі Майкл Джексон, Мадонна, Шакира мен Рианна секілді жұлдыздардың концерті өткен. Ұйымдастырушылардың айтуынша, билеттердің дені сатылған. Дайындық қызу. 5 мыңға жуық кісі осы концерттің ұйымдастыру үшін жұмылдырылған. Бүгін Димашты түріктің әйгілі Халүк Левент және Бурак Йетер арнайы құттықтап келіпті. Қос әншімен Димаш өнер көрсетеді. Айтпақшы, фан-клубтары да қолдары бос келмепті. Үстімдегі жейдені, лентаны солар тарту етті. Сондай-ақ түріктің тәттісі, иіс су мен осындай Димаштың кескіндемесі арнайы әзірленіпті. Мұндағы атмосфераның өзін айтып жеткізу мүмкін емес.