Калифорния штатында орман өртеніп жатыр

АҚШ-тың Калифорния штатында орман өртеніп жатыр. Осы уақытқа дейін қызыл жалын 4 мың гектардан астам алқапты шарпып үлгерген.

Мамандар аймақтағы аптап пен желдің күшеюі себепті өртті сөндіре алмай жатыр. Лаулаған отпен арпалыс кезінде 2 адам зардап шеккен. Қазір қауіпті аймақтағы тұрғындар жаппай көшіріліп жатыр. Оларды жайғастыру үшін бірнеше орталық ашылған. Мамандардың болжамы бойынша желдің кесірінен Калифорниядағы өрт алдағы күндері одан сайын өрши түседі.

Джош Сильвейра, өрт сөндіру департаментінің басшысы:

- Өрт жылдам тарап жатыр. Осы уақытқа дейін тек 10%-і ғана бақылауға алынды. Қатты жел мен құрғақ ауа райы отты сөндіруге айтарлықтай кедергі келтіріп жатыр.

Тасқын жүріп, тұрғындар эвакуацияланды

Ал Германияның оңтүстік өңірлерін су басып жатыр. Тасқын әсіресе Баварияны күйретіп барады. Тұрғындар жаппай эвакуацияланып жатыр. Құтқару жұмыстары кезінде төтенше жағдай қызметінің бір маманы көз жұмды. Бұдан бөлек, топан судан Штутгарт қаласында жолаушылар пойызы рельстен тайып, апатқа ұшырады. Жергілікті билік өкілдері күн райының қолайсыздығына байланысты халыққа рейстердің кешігетінін хабарлады.