Telegram жұмыс істемей қалды

Telegram желісі әлем бойынша біраз уақыт жұмыс істемей қалды.

Бұл шамамен 1,5 сағатқа жалғасты. Әсіресе Ресей тұрғындарынан көп шағым түскен. Олардың айтуынша, хабарлама жіберу, медиафайлды жүктеу және ақпаратты жаңартуға қатысты қиындықтар туындаған. Техникалық ақауға нақты не себеп болғаны белгісіз. Бұған қатысты ресми мәлімдеме жасалмады. Соңғы рет осыған ұқсас жағдай мамыр айында тіркелген.