Үндістанда көлік апатынан 10 адам мерт болды

Үндістанның солтүстігінде жолаушылар көлігі шатқалға құлады, деп хабарлайды 24kz.

Салдарынан 10 адам мерт болды. Тағы бірнеше кісі жарақат алған. Құтқарушылар оқиға орнына жылдам жетіп, зардап шеккендерді жақын маңдағы ауруханаға тасымалдап жатыр. Апаттың себебі әзірге белгісіз. Көліктегілер туристер екені анықталды. Билік апаттан аман қалғандардың жан-жақты көмекпен қамтамасыз етілуін тапсырды. Тергеу жүріп жатыр.