Қытайда көпір құлап, 12 адам қаза тапты

Қытайдың Шэньси провинциясында көпірдің құлауынан қаза тапқандар саны 12-ге жетті деп хабарлайды 24kz.

31 адам із-түзсіз жоғалып кеткендер қатарында. Оқиға орнында құтқару операциясы жүріп жатыр.

Естеріңізге сала кетейік, бірнеше күннен бері шелектеп жауған жауын-шашыннан көпір опырылып, 17 авто мен 8 жүк көлігі суға кеткен еді. Бірнеше елді мекенді су басты. Жолдар бүлініп, теміржол қозғалысы қиындады. Жергілікті биліктің мәліметінше, табиғат апатынан 160 мыңдай тұрғын зардап шеккен. Материалдық шығын көлемі 135 миллион доллардан асады.